.jpg)
२०८३ असार १९ गते
२५ अर्बको एकवर्षे ऋणपत्र जारी गर्दै नेपाल राष्ट्र बैंक
२०८३ असार १९ गते
काठमाडौँ । नेपाल राष्ट्र बैंकले बैंकिङ प्रणालीमा देखिएको अधिक तरलता व्यवस्थापन गर्न आज २५ अर्ब रुपैयाँ बराबरको ‘नेपाल राष्ट्र बैंक ऋणपत्र २०८४ ग’ जारी गर्दैछ। एक वर्ष अवधिको उक्त ऋणपत्रका लागि क, ख र ग वर्गका बैंक तथा वित्तीय संस्थाले आवेदन दिन सक्नेछन्। ऋणपत्रको बोलकबोल आज दिउँसो ३ बजेसम्म अनलाइनमार्फत सञ्चालन हुनेछ भने सोही प्रक्रियाबाट यसको ब्याजदर निर्धारण गरिनेछ।
Advertisement:
ऋणपत्रको साँवा २०८४ असार १९ गते भुक्तानी गरिनेछ भने ब्याज अर्धवार्षिक रूपमा प्रदान गरिने राष्ट्र बैंकले जनाएको छ। यसमा न्यूनतम ५ करोड रुपैयाँदेखि कुल आह्वान रकमसम्म, ५ करोड रुपैयाँले निःशेष भाग जाने गरी बोलपत्र पेश गर्न सकिने व्यवस्था छ। जारी हुने ऋणपत्रलाई नेपाल राष्ट्र बैंकका साथै अन्य बैंक तथा वित्तीय संस्थामा धितोका रूपमा समेत प्रयोग गर्न सकिनेछ।
प्रतिक्रिया