.jpg)
२०८३ जेठ ०१ गते
बैकिङ क्षेत्रको निक्षेप साढे ६८ खर्ब नाघ्यो, सिडि रेसियो पनि ८० प्रतिशत नजिक
२०८२ वैशाख २८ गते
काठमाडौ । बंैकिङ क्षेत्रको निक्षेप साढे ६८ खर्ब रुपैयाँ नाघेको छ । देशको अर्थतन्त्रको भन्दा बैकको निक्षेपको आकार बढी छ । नेपाल राष्ट्र बैंकका अनुसार बैंक तथा वित्तिय संस्थाको कुल निक्षेप ६८ खर्ब ५८ अर्ब रुपैयाँ भन्दा बढी रहेको छ । यसमा सबैभन्दा ठुलो हिस्सा बाणिज्य बैंकको रहेको छ । बाणिज्य बैंकको निक्षेप ६१ खर्ब २५ अर्ब रुपैयाँ रहेको छ । अन्य बैंक तथा वित्तिय संस्थाको निक्षेप ७ खर्ब ३३ अर्ब रुपैयाँ रहेको छ । यस्तै बैंकिङ क्षेत्रको कर्जा प्रवाह भने ५५ खर्ब १७ अर्ब रुपैयाँ नाघेको छ । यसमा बाणिज्य बैंकको मात्र ४९ खर्ब लगानी रहेको छ । बैंकको सिडि रेसियो (कर्जा पुँजी निक्षेप अनुपात)करिब ८० प्रतिशत नजिक पुगेको छ । यसले बैंकहरुको कर्जा प्रवाह हुन थालेको संकेत गरेको छ । अहिले बैंकहरुको सिडि रेसियो ७९.२५ प्रतिशत रहेको छ । बैंकहरुको लामो समयदेखि अधिक तरलताको समस्या झेलिरहेका छन् । जसका कारण निक्षेपकर्ता अधिक सस्तो ब्याजदरमा निक्षेप राख्न बाध्य छन् । अन्तरबैंक कारोबार (एक बैंक बाट अर्को बैंकसँग हुने कारोबार) ३ प्रतिशत छ । पछिल्लो समय केन्द्रिय बैंकले तरलता व्यवस्थापनमा लागि दिनहुँजसो निक्षेप तानिरहेको छ ।
Advertisement:
प्रतिक्रिया