.jpg)
२०८३ जेठ ०१ गते
दुर्घटनाग्रस्त जहाजको प्रतियात्रु २० हजार अमेरिकी डलर बराबरको बिमा, ९९.७ % दायित्व विदेशी कम्पनीले व्यहोर्ने
२०८१ साउन १० गते
काठमाडौं । बुधवार त्रिभुवन अन्तर्राष्ट्रिय विमानस्थलमा दुर्घटना भएको सौर्य एयरलाइन्सको बीमा प्रभु इन्स्योरेन्समा गरिएको पाइएको छ । सौर्यले ३० करोडमा उक्त विमान खरिद गरेको थियो । क्यानाडेली कम्पनी बम्बाडियरको सीआरजे २०० जहाज प्रभु इन्स्योरेन्समा बिमा गरेको थियो ।
जहाजको भग्नावशेष काम नलाग्ने स्थितिमा रहेका कारण ३० करोड रुपैयाँ हाराहारीको दाबी भुक्तानी गर्नुपर्ने भएको छ । उक्त विमानको पुनर्बीमा भने बेलायती पुनर्बीमा कम्पनीमा छ । मृतक सबै यात्रुको प्रतियात्रु २० हजार अमेरिकी डलर बराबरको बिमा गरिएको छ ।
Advertisement:
विमानको पुनर्बीमा विदेशी कम्पनीमा रहेकाले सबै भुक्तानी भने प्रभुले गर्नु नपर्ने भएको छ । ३० करोड हाराहारीको दावी भुक्तानी गर्नुपर्नेमा ०.३ प्रतिशत मात्रै प्रभुको दायित्वमा पर्नेछ । यो रकममा भने ९ लाख हुन आउँछ । त्यस बाहेकका बाँकी ९९.७ प्रतिशत दायित्व भने विदेशी पुनर्बीमा कम्पनीले व्यहोर्नेछ ।
बुधबार बिहान ११ः११ बजे राजधानीको त्रिभुवन अन्तर्राष्ट्रिय बिमानस्थलबाट पोखराका लागि उडेको बिमान टेकअफ गर्नेवित्तीकै दुर्घटनामा परेको थियो । दुर्घटनामा १८ जनाले ज्यान गुमाएका छन् भने पाइलट मनिष शाक्यको जीवित उद्दार गरिएको छ ।
प्रतिक्रिया