.jpg)
२०८३ जेठ ०१ गते
अन्ततः १० ठुला बैंकको पोर्टफोलियो रिभ्यूका लागि छानियो बंगलादेशी कम्पनी
२०८२ साउन ०८ गते
काठमाडौ । नेपालका १० ठुला बैंकको कर्जाको गुणस्तर परिक्षणका लागि बंगलादेशको एक कम्पनी छनौट भएको छ । बंगलादेशको हौलादर युनिस एण्ड कम्पनी छनौट भएको हो ।
नेपाल राष्ट्र बैंकले १० ठूला वाणिज्य बैंकहरूको कर्जाको गुणस्तर परीक्षणका लागि केन्द्रीय बैंकले प्राविधिक तर्फ उक्त कम्पनीलाई मात्रै छनौट गरेर आर्थिक प्रस्ताव खोलेको छ। आर्थिक प्रस्तावमा हौलादार कम्पनीले १० वटा वाणिज्य बैंकहरूको लेखापरीक्षण गर्नका लागि ६२ लाख ५४ हजार ९१२ रुपैयाँमा सम्झौता गरेको हो।
Advertisement:
राष्ट्र बैंकले सार्वजनिक खरिद ऐन,२०६३ को दफा ३८ को उपदफा २ बमोजिम बंगलादेशी हउलादार युनुस एण्ड कम्पनीलाई छनौट गरेको हो। राष्ट्र बैंकले अन्तर्राष्ट्रिय मुद्रा कोष (आईएमएफ) को सुझाव तथा सहयोगमा नेपालका ठूला १० वाणिज्य बैंकको स्वतन्त्र लेखापरीक्षण गर्न लागेको हो ।
२०८१ पुसमा आवेदन दिएका ६ कम्पनीमध्ये प्राविधिक प्रस्तावबाट बंगलादेशको हउलादार युनुस एन्ड कम्पनी मात्रै छनौट भएको थियो। तर प्रतिस्पर्धी मेहरा जेकेएसएस एसएसबीडीआईको तर्फबाट एस सुवेदी एन्ड एसोसिएट्सका सञ्चालक सतिश सुवेदीले राष्ट्र बैंक र सार्वजनिक खरिद अनुगमन कार्यालयलाई विपक्षी बनाई सर्वोच्चमा मुद्दा हालेका थिए। रिट दायरसँगै आर्थिक प्रस्तावको काम राष्ट्र बैंकले रोकिरहेको थियो।
तर गत असार ९ मा न्यायाधीशद्वय डा। मनोजकुमार शर्मा र नृपध्वज निरौलाको संयुक्त इजलासले अन्तरिम आदेश निरन्तरता नहुने फैसला गरे पछि राष्ट्र बैंकलाई प्रक्रिया अघि बढाउन बाटो खुलेको थियो ।
प्रतिक्रिया