.jpg)
२०८३ जेठ ०१ गते
कुमारी बैंकको खुद ब्याज आम्दानी २ अर्ब ९१ करोड, प्रतिसेयर नेटवर्थ १४५ रुपैयाँ
२०८२ कात्तिक २१ गते
काठमाडौं । कुमारी बैंकले चालु आर्थिक वर्ष २०८२/८३ को पहिलो त्रैमाससम्मको अपरिष्कृत वित्तीय विवरण सार्वजनिक गरेको छ। यसअनुसार बैंकको खुद ब्याज आम्दानी वृद्धि भए पनि सञ्चालन मुनाफा र खुद नाफा सामान्य घटेको छ।
Advertisement:
समीक्षा अवधिमा बैंकले २ अर्ब ९१ करोड रुपैयाँ खुद ब्याज आम्दानी गरेको छ। यो गत आर्थिक वर्षको सोही अवधिको तुलनामा ३.७७ प्रतिशतले बढी हो। खुद फि तथा कमिसन आम्दानी ३९.६३ प्रतिशतले बढेको छ भने कुल सञ्चालन आम्दानी १३.१२ प्रतिशतले वृद्धि भएको छ।
बैंकको सञ्चालन मुनाफा ८.११ प्रतिशत घटेर १ अर्ब ५ करोड रुपैयाँ पुगेको छ भने खुद नाफा २.०१ प्रतिशत घटेर सोही रकममा सीमित भएको छ। समीक्षा अवधिमा प्रतिसेयर आम्दानी ३३ पैसा घटेर १६ रुपैयाँ ११ पैसा पुगेको छ। असोज मसान्तसम्म बैंकको प्रतिसेयर नेटवर्थ १४५ रुपैयाँ २१ पैसा र मूल्य(आम्दानी अनुपात ११.२६ गुणा रहेको छ।
बैंकको चुक्ता पूँजी २६ अर्ब २२ करोड ५८ लाख रुपैयाँ रहेको छ भने जगेडा कोषमा ११ अर्ब ८५ करोड ७० लाख रुपैयाँ सञ्चित छ। पहिलो त्रैमासको अन्त्यसम्म बैंकले ३ खर्ब ६० अर्ब ४० करोड रुपैयाँ निक्षेप संकलन गरी २ खर्ब ६९ अर्ब ४१ करोड रुपैयाँ कर्जा परिचालन गरेको विवरण सार्वजनिक गरेको छ।
प्रतिक्रिया