.jpg)
२०८३ जेठ ०१ गते
रोयल इन्फिल्ड ३५० सीसीका तीन नयाँ भेरियन्टको मोटरसाइकल सार्वजनिक, यस्ता छन् मूल्य र विशेषता-
२०८० पुस ११ गते
काठमाडौं। रोयल इन्फिल्ड मिटिओर ३५० सीसीका तीन भेरियन्टको नयाँ मोटरसाइकल सार्वजनिक भएका छन् । बुधबार रोयल इन्फिल्डको नेपालका लागि आधिकारिक बिक्रेता अल्फा अटोमोटिभ प्रालि नक्साल शोरुममा त्रिवेणी ग्रुपका निर्देशक सुवास चन्द्र संघाइ र रोयल इन्फिल्डका प्रतिनिधि नेपाल बजार प्रमुख अभिषेक सुक्लाद्वारा तीन नयाँ मोटरसाइकल सार्वजनिक गरिएको हो ।
सार्वजनिक गरिएका तिन नयाँ मिटिओर फायरवल, मिटिओर स्टेलर र मिटिओर सुुपरनोभा रहेका छन् ।यी बाइकहरु यसअघि ८ लाख मूल्यमा बिक्री भएकामा अब भने भेरियन्ट अनुसार मूल्य ५ लाख ५० हजारदेखि ५ लाख ६५ हजार रुपैयाँ तोकिएको छ। कम्पनीले नेपालमै आफ्नो एसेम्बलीङप्लान्ट स्थापना गरेपछि मूल्य कम भएको हो।
Advertisement:
मिटिओर ३५० मोटरसाइकल जे प्लेटफर्ममा निर्माण गरिएको छ। मोटरसाइकलमा ३४९ सीसी सिंगल सिलिन्डर, फ्युल इन्जेक्टेड फोर स्ट्रोक, एयर(ओयल कुल्ड रहेको छ । इन्जिनले अधिकतम ६ हजार १०० आरपीएममा २०.२ ब्रेकर्स पावर र ४ हजार आरपीएममा २७ एनएमको टर्क जेनेरेट गर्छ भने यसमा डुअल डिस्कब्रेक दिएको छ । तीन वटै मोटरसाइकलमा १५ लिटरको फ्युल ट्यांक क्षमता रहेको छ । मोटरसाइकलले प्रति लिटर औषत ४० किलोमिटर माइलेज दिने छ ।
त्यस्तै, इजी क्रुजिईग डिजाइनमा रहेको यी मोटरसाइकलमा १४ सय एमएम व्हीलबेस, ७६५ एमएम सिटको उचाई, ट्विन डाउनदुव स्पाइन फ्रेम, आगाडी (चौडा टुबलेस टायर)(१००/९०-१९"-५७ पी) पछाडी - चौडा टुबलेस टायर (१४०/७०-१७"-६६पी) जस्ता फिचरहरू पाउन सकिन्छ ।
मिटिओर फायरवल ३५० सीसी पहेंलो, रातो, निलो र म्याट हरियो रंगमा उपलब्ध छन् । त्यस्तै, मिटिओर स्टेलर ३५० सीसी कालो, निलो र रातो रंगमा र मेट्रोे सुपरनोभा ३५० सीसी खैरो, निलो र रातो रंगमा रोयल इन्फिल्डका १८ बाटै सोरुममा उपलब्ध छन् ।
.jpg)
.jpg)
प्रतिक्रिया