.jpg)
२०८३ जेठ २० गते
दक्षिण कोरिया जहाज दुर्घटना : चालक दलका चार सदस्य सहित १७९ जना यात्रुको मृत्यु
२०८१ पुस १४ गते
काठमाडौँ । १८१ यात्रु बोकेको दक्षिण कोरियाको जेजु एअरको बोइङ विमानस्थलमा दुर्घटनाग्रस्त हुँदा चालक दलका चार सदस्य सहित १७९ जना यात्रुको मृत्यु भएको छ ।
समाचार संस्था योनहापका अनुसार उक्त विमानमा १७५ जना यात्रु र ६ जना चालक दलका सदस्य थिए। थाइल्यान्डको ब्याङ्कककबाट फर्किरहेको सो विमान अवतरण गर्ने क्रममा धावन मार्गमा चिप्लिएर दुर्घटना भएको थियो । दुर्घटनाग्रस्त विमानबाट चालक दलका २ जनाको सकुशल उद्धार गरिएको जनाइएको छ।जेजु एअर दक्षिण कोरियाकै सर्वाधिक ठूलो मध्येको कम बजेटमा उडान सेवा प्रदान गर्ने वायुसेवा हो।
Advertisement:
जेजु एअरको इतिहासमा यो पहिलो दुर्घटना हो। दक्षिण कोरियाली सरकारले मृतकका परिवारलाई आर्थिक सहयोग तथा घाइतेको उपचारमा सक्दो सहयोग गर्ने प्रतिवद्धता जनाएको छ ।
प्रतिक्रिया