.JPG)
.jpg)
२०८३ असोज २५ गते
यामाहा एक्सएसआर १५५ को नयाँ ‘ब्ल्यु’ संस्करण अब देशका २० शहरका शोरुममा पाइने
२०८३ असोज २५ गते
काठमाडौं । नेपालका लागि यामाहाको आधिकारिक वितरक एमएडब्लू राइड्स प्रालिले नयाँ ब्ल्यु यामाहा एक्सएसआर १५५ देशभरका २० क्षेत्रीय शहरका शोरुममा उपलब्ध गराएको छ । काठमाडौंको भृकुटीमण्डपमा आयोजित नाडा अटो शो तथा यामाहा ब्लु फेस्टमा प्रदर्शनपछि कम्पनीले मोटरसाइकलको उपलब्धता विस्तार गरेको हो ।
Advertisement:
अब ग्राहकले आफ्नो नजिकैको आधिकारिक यामाहा शोरुममा पुगेर नयाँ ब्ल्यु एक्सएसआर १५५ प्रत्यक्ष अवलोकन गर्न, परीक्षण सवारी गर्न तथा बुकिङ गर्न सक्नेछन् ।
यामाहाको मूल मर्म ‘बिल्ट अन लेगेसी, ड्रिभन बाई पर्फर्मेन्स’लाई आत्मसात् गरेको एक्सएसआर १५५ मा मौलिक रेट्रो शैली र आधुनिक प्रदर्शनको संयोजन रहेको कम्पनीले जनाएको छ । मोटरसाइकलमा भिभिए प्रविधिसहितको १५५ सीसी क्षमताको लिक्विड-कुल्ड इन्जिन र ६-स्पिड गियर ट्रान्समिसन रहेको छ। यसले दैनिक आवागमन तथा राजमार्गमा यात्रा गर्दा भरपर्दो शक्ति र उच्च गतिमा स्थिरता प्रदान गर्ने कम्पनीको दाबी छ ।
यसअघि कालो, खैरो र रातो रङमा उपलब्ध एक्सएसआर १५५ मा ग्राहकको मागअनुसार निलो रङको विकल्प थप गरिएको हो। नयाँ ब्ल्यु संस्करणको मूल्य ५ लाख ३४ हजार ९०० रुपैयाँ तोकिएको छ । कम्पनीका अनुसार नयाँ संस्करणको मूल्य तुलनात्मक रूपमा किफायती रहेकाले ग्राहकलाई नियो-रेट्रो शैलीको मोटरसाइकल छनोट गर्न थप सहज हुनेछ ।
क्षेत्रीय बजारमा मोटरसाइकलको उपलब्धता विस्तार गर्ने क्रममा एमएडब्लू राइड्स प्रालिका कार्यकारी निर्देशक तथा प्रमुख कार्यकारी अधिकृत दीपक कुमार अग्रवालले एक्सएसआर १५५ प्रति ग्राहकको सकारात्मक प्रतिक्रिया रहेको बताए । ग्राहकले थप रङका विकल्प माग गरिरहेको उल्लेख गर्दै उनले ब्ल्यु संस्करणलाई क्षेत्रीय बजारमा पुर्याउनु कम्पनीका लागि महत्वपूर्ण कदम भएको बताए ।
क्षेत्रीय ग्राहक पनि एक्सएसआर प्रयोगकर्ताको बढ्दो समुदायको महत्वपूर्ण हिस्सा रहेको बताउँदै अग्रवालले उनीहरूलाई थप विकल्प र उत्कृष्ट अनुभव उपलब्ध गराउन कम्पनी प्रतिबद्ध रहेको उल्लेख गरे ।
कम्पनीका अनुसार क्षेत्रीय बजारमा उपलब्धता विस्तार गर्नुको उद्देश्य स्थानीय मोटरसाइकल प्रयोगकर्तासँगको सम्बन्ध थप प्रगाढ बनाउनु र देशभर एक्सएसआर प्रयोगकर्ताको समुदाय विस्तार गर्नु हो ।
नयाँ ब्ल्यु यामाहा एक्सएसआर १५५ का लागि परीक्षण सवारी तथा बुकिङ देशभरका क्षेत्रीय शहरमा रहेका आधिकारिक यामाहा शोरुममा खुला गरिएको कम्पनीले जनाएको छ ।
प्रतिक्रिया