२०८३ असार ०९ गते
अध्यक्ष ओलीले मेरा बारे जे बोल्नुभयो अत्यन्त दुःखित छु : योगेश भट्टराई
२०८२ माघ ०९ गते
काठमाडौँ । नेकपा एमालेका उपमहासचिव योगेश भट्टराईले आफूसहित पार्टीका नेताहरूलाई टिकट नदिएकोबारे अध्यक्ष केपी शर्मा ओलीले व्यक्त गरेका धारणाले आफू दुःखी र चिन्तित भएको बताएका छन् । साथै उनले यसबारे आफू फागुन २१ सम्म कुनै टिप्पणी नगर्ने पनि बताएका छन् ।
‘फागुन २१ सम्म पार्टीका आन्तरिक विषयमा सार्वजनिक बहस गर्न चाहन्न । मेरो मिसन सूर्य चिह्न र नेकपा एमाले हो’, भट्टराईले सामाजिक सञ्जालमार्फत शुक्रबार भनेका छन्, ‘नो इफ, नो वट । विचलित र निराश छैन ।’ तर उनले अध्यक्षको कुराबाट चिन्तित र दुखी भएको बताएका छन् ।
Advertisement:
‘यत्ति भन्छु अध्यक्षको कुराबाट चिन्तित छु, दुःखी छु । कसैले पनि जितको ग्यारेन्टी सहित लिखित कागज गरेर टिकट लगेको होला भन्ने मलाई विश्वास छैन’, भट्टराईले भनेका छन्, ‘यस विषयमा मलाई थप फोन नगर्नुहोला ।’
प्रतिक्रिया