.jpg)
.jpg)
२०८३ जेठ १७ गते
कविता-"सम्वन्ध"
२०८० माघ १३ गते
सम्वन्ध
अनगिन्ती सम्वन्धहरूलाई
Advertisement:
सागरको आयतनभन्दा
अझै फराकिलो बनाउने लालचमा
मायाँ, ममता अनि प्रेमको गम्सा थापेर
जीवनभर ऊ
सम्वन्ध बिस्तारको राजमार्गमा
निरन्तर दौडिरह्यो, दौडिरह्यो ।
सम्वन्धहरूको विविध श्रृङ्खलाहरू
थपिँदै, गाँसिदै अनि झ्याङ्गिदै गए
तिनका अत्यधिक सङ्ख्याबाट
ऊ पुलकित मात्र भएन
धरा विजयको प्रज्वलित मुद्रामा
खुसीको भेलमा पौडदै गयो
अनन्त आनन्द थुपाऱ्यो ।
अफसोच !
त्यही सम्वन्धहरूको बीचबाट
परम पतिभक्त मानिएकी
आफ्नै श्रीमतीलाई
भट्टी पसलेको टेवलछेउ
दिल्लगी र रोमान्समा मात्र हैन
अङ्ग प्रत्यङ्गहरूको
लिलाम बडाबडमा उद्यत भेट्यो ।
तव
सम्वन्धहरूका इतिहास र वर्तमानले
उपहास गरेजस्तो लाग्यो
अनि मनको भित्तामा
कहिल्यै नमेटिने
एउटा शिलालेख उस्ले कुँद्यो
“जीवनमा सम्वन्धहरूका
संङ्ख्या बृद्धिमा ध्यान नदेउ
भएका सम्वन्धहरूमा
जीवन खोजी हेर ।
#####
गोरखा बजार हाल- म्याडिसन, अमेरिका।
प्रतिक्रिया