.jpg)
.jpg)
२०८३ जेठ १४ गते
दोहोरो अंकले घट्यो नेप्से, कारोबार रकम पनि घट्यो
२०८१ वैशाख २४ गते
काठमाडौँ । साताको दोस्रो कारोबार दिन शेयर बजार दोहोरो अंकले घटेको छ । यस दिन नेप्से परिसूचक १५.६२ अंकले घटेर १९५८.७५ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.७९ प्रतिशतले घट्न पुगेको हो ।
आज नेप्सेमा १३ उपसमूहमध्य एक उपसमूहको परिसूचक बढेको छ भने बाँकी १२ उपसमूहका परिसूचक घटेका छन् । सोमबार एक मात्र बढ्ने उपसमूहमा विकास बैंक रह्यो जसको परिसूचक ०.२३ प्रतिशतले वृद्धि भएको छ । यसै गरी यस दिन सर्वाधिक घट्ने उपसमूहमा फाइनान्स उपसमूह रह्यो जसको परिसूचक १.९६ प्रतिशतले घटेको छ ।
Advertisement:
नेप्से घटेसँगै आज कारोबार रकम पनि घटेको छ । अघिल्लो कारोबार दिन २ अर्ब ७९ करोड ५७ लाख ४८ हजार रुपैयाँ बराबरको शेयर खरिदबिक्री भएकोमा यस दिन ३१० स्टकको ४८ हजार ७ सय ९ पटकको कारोबारमा २ अर्ब ८९ करोड १३ लाख रुपैयाँ बराबरको ६९ लाख ७८ हजार ३ सय २१ कित्ता शेयर खरिदबिक्री भएको छ । जसमा ६२ वटा कम्पनी बढेका छन् भने १७७ वटा कम्पनी घटेका छन् । यसैगरी ६ वटा कम्पनीको शेयर भने स्थिर रहन पुगेका छन् । यस दिन सर्वाधिक बढ्नेमा बोटलर्स नेपाल तराई रह्यो जसको शेयर ९.०३ प्रतिशतले बढेको छ । सर्वाधिक घट्नेमा भने पोखरा फाइनान्स र डोल्टि पावर कम्पनी रह्यो जसको शेयरमा नकारात्मक सर्किट लागेको छ ।
सोमबार सर्वाधिक रकमको कारोबार गर्ने कम्पनीमा सिटिजन लाईफ इन्स्योरेन्स रह्यो जसको ३१ करोड ९८ लाख ३० हजार रुपैयाँ बराबरको शेयर किनबेच भएको छ । त्यस्तै संख्याको हिसाबले सर्वाधिक शेयर कारोबार हुनेमा पनि सिटिजन लाईफ इन्स्योरेन्स नै रह्यो जसको ६ लाख ६६ हजार ४ सय ८१ कित्ता शेयर किनबेच भएको छ ।
प्रतिक्रिया