२०८३ भदौ २६ गते
ग्यासलाई सहज बनाउन गम्भीर भएर लाग्नेछु :नवनियुक्त उद्योगमन्त्री साह
२०८३ भदौ २६ गते
काठमाडौँ । नवनियुक्त उद्योग, वाणिज्य तथा आपूर्ति मन्त्री दीपककुमार साहले खाना पकाउने एलपी ग्यासको बिक्री वितरणमा देखिएको समस्या समाधानमा आफू गम्भीर भएर लाग्ने बताएका छन् ।
Advertisement:
राष्ट्रपति भवन शीतल निवासमा आज पद तथा गोपनीयताको शपथ लगत्तै सिंहदरबारस्थित मन्त्रालयमा पदभार ग्रहण गर्ने क्रममा उनले पत्रकारसँग भने, “जनतालाई जति ग्यास आवश्यक छ, त्यति दिनै पर्छ, छलफल गरेर आवश्यक कदम चाल्नेछौँ ।”
निवर्तमान उद्योग मन्त्री गौरीकुमारीसँग छलफल गरेर आफू अघि बढ्ने उल्लेख गर्दै मन्त्री साहले त्यस आधारमा सुधारका कार्यक्रम अघि बढाइने स्पष्ट पारे । “कुनै काम गर्नुभन्दा अघि विगतमा त्यस सम्बन्धमा के–के भइरहेको छ, त्यसको जानकारी लिएर मात्रै अघि बढ्दा नतिजा आउँछ”, मन्त्री साहले भने ।
तत्कालीन मन्त्री गौरीकुमारीले हिजो पदबाट राजीनामा दिएसँगै प्रधानमन्त्री वालेन्द्र शाहले सांसद साहलाई उद्योग मन्त्रीमा नियुक्त गरेका हुन् ।
प्रतिक्रिया