२०८३ असोज २७ गते
आरुघाटको पक्की पुलमा बेलिब्रिज जडान तीव्र, दशैँअगावै आवतजावत खुलाउने सरकारको तयारी
२०८३ असोज २७ गते
आरुघाट गोरखा। आइतबार बिहान बूढीगण्डकी नदीमा आएको आकस्मिक बाढीका कारण क्षतिग्रस्त बनेको गोरखा र धादिङ जोड्ने आरुघाटस्थित पक्की पुल चाँडोभन्दा चाँडो सञ्चालनमा ल्याउन सरकारले द्रुत गतिमा काम अगाडि बढाएको छ।
Advertisement:
बाढीले पक्की पुलको तीन खण्ड (स्पान) मध्ये गोरखातर्फको २२ मिटर आरसीसी भाग बगाए पनि बाँकी रहेको ट्रस संरचना जोगाउन सफल भएको थियो। उक्त बचेको संरचनामै बेलिब्रिज राखेर यातायात पुनः सञ्चालन गर्न सकिने प्राविधिक मूल्याङ्कन सकिएसँगै अहिले भौतिक पूर्वाधार तथा यातायात मन्त्रालय र सडक विभागको समन्वयमा बेलिब्रिज जडानको काम तीव्र पारिएको छ।
हेटौँडाबाट आवश्यक सामग्री घटनास्थल पुर्याएर निर्माण कार्य सुरु गरिएको छ। सरकारले दशैँअगावै पुल पुनः सञ्चालनमा ल्याएर दुवै जिल्लाबीचको विच्छेद भएको सडक सम्पर्क र सर्वसाधारणको आवतजावत सहज बनाउने लक्ष्यका साथ काम भइरहेको जनाइएको छ।
प्रतिक्रिया