.jpg)
.jpg)
२०८३ जेठ १८ गते
प्रधानमन्त्री दाहालद्वारा एनसेलको शेयर बिक्रीबारे अध्ययन गर्न निर्देशन
२०८० मंसिर १८ गते
काठमाडौं। प्रधानमन्त्री पुष्पकमल दाहालले एनसेलको शेयर बिक्रीबारे अध्ययन गर्न निर्देशन दिएका छन् । दूरसञ्चार सेवा प्रदायक कम्पनी एनसेलको मुलुकबाहिरै ८० प्रतिशत शेयर खरिद–बिक्रीको विषयमा तत्काल अध्ययन गर्न सम्बन्धित निकायलाई निर्देशन दिएका छन् ।
प्रधानमन्त्री दाहालको सचिवालयकाअनुसार राजश्व विभाग लगायतका निकायलाई एनसेलको शेयर खरिदको छानबिन गर्न निर्देशन दिएका छन् । बिहीबार एनसेलमा रहेको मलेसियाको आजियाटा कम्पनीको ८० प्रतिशत शेयर व्यवसायी सतिशलाल आचार्यले खरिद गरेका थिए ।
Advertisement:
एनसेलको शेयर बिक्रीबारे संघीय संसद्को सार्वजनिक लेखा समितिले पनि चासो व्यक्त गरेको थियो । सरकारी निकायलाई जानकारी नै नदिई शेयर खरिद–बिक्री भएपछि समितिले चासो राखेको हो ।
सरोकारवाला निकायलाई लेखा समितिले प्रश्न गर्दै विवरण माग गरिसकेको छ । यस विषयमा प्रधानमन्त्रीले पनि चासो व्यक्त गर्दै तत्काल अध्ययन गर्न निर्देशन दिएका हुन् ।
एनसेलको ८० प्रतिशत शेयर ५ करोड डलरमा बिक्री भएको बिषयले राज्यका सबै निकायलाई ससंकित बनाएको छ । विगतदेखि नै एनसेलको शेयर खरिद बिक्री विवादस्पद रहेकोमा हाल पुनः सतिशलाल आचार्यले खरिद गरेको ८० प्रतिशत शेयरको बिषयले थप प्रश्न उठाएको छ ।
खासगरी ८ बर्ष अघि १ अर्ब ३१ करोड ५० लाख अमेरिकी डलर अर्थात १ खर्ब ४३ अर्ब रुपैयाँमा खरिद गरेको सम्पत्ति आजियाटाले ५ करोड डलर अर्थात् ६ अर्ब ६० करोड रुपैयाँमा बिक्री गरेर बाहिरिएपछि कर छलीको स्पष्ट बाटो तर्फ लागेको अनुमान विज्ञहरुले गरेका छन् ।
प्रतिक्रिया