.jpg)
.jpg)
२०८३ जेठ २३ गते
अदालतको आदेशपछि जिम्मेवारीमा फर्किएका नगर प्रहरी प्रमुख पाण्डे भन्छन्, 'पुराना घटनालाई बिर्सिन चाहन्छु'
२०८२ असार ०५ गते
काठमाडौँ । काठमाडौँ महानगरपालिकाका नगर प्रहरी प्रमुख राजुनाथ पाण्डे जिम्मेवारीमा फर्किएका छन् । बुधवार न्यायाधीश ऋषि राजभण्डारी र डिल्ली रत्न श्रेष्ठको इजलासले पाण्डेलाई निलम्बन गर्ने आदेश कार्यान्वयन नगर्न आदेश दिएसँगै उनी जिम्मेवारीमा फर्किएका हुन् ।
Advertisement:
बिहीबार कार्यालय पुगेर कार्यभार सम्हाल्दै उनले आफू अदालतप्रति आभार प्रकट गर्दै पुराना घटनालाई बिर्सन चाहने बताए । ‘सम्मानित अदालतप्रति आभार प्रकट गर्न चाहन्छु र पुराना घटनालाई बिर्सिन पनि चाहन्छु म ।’, उनले भने, ‘महानगरमा नयाँ शिराबाट महानगरका जनताले अनुभूति गर्ने गरि काम गरेको थिएँ । अझ सशक्त भएर गर्नेछु ।’
त्यस्तै उनले बर्खा लागिसकेका कारण बाढी र त्यसको प्रभाव कम गर्न राज्यका निकायसँग साझेदार गरेर काम गर्ने बताए । उच्च अदालत पाटनले पाण्डेले वरिष्ठ नगर प्रहरी उपरीक्षक पदमा कार्यरत रहेर पदीय जिम्मेवारी बहन गरेको अदालतको जिकिर गर्दै जिम्मेवारीमा फर्काउन आदेश दिएको थियो । त्यस्तै पाण्डेको निलम्बन कार्यान्वयन नगरी यथास्थितिमा राख्न र उनको पदमा रही कामकाज गर्न दिन समेत अदालतले आदेश दिएको थियो ।
नगर प्रहरी प्रमुख राजु पाण्डेलाई महानगरका प्रमुख प्रशासकीय अधिकृत सरोज गुरागाईँले गत जेठ २० गते निलम्बन गरेका थिए । उनले आफूलाई पाण्डेको बुझाएको स्पष्टीकरण चित्तबुझ्दो नभएको भन्दै निलम्बन गरेका हुन् ।
प्रतिक्रिया