२०८३ असार १५ गते
तेह्रथुम पावर कम्पनीको हकप्रद सेयर बिक्रि खुला
२०८२ असार १६ गते
काठमाडौं ।आज देखि (असार १६) तेह्रथुम पावर कम्पनी लिमिटेडको हकप्रद सेयरको बिक्रि खुला भएको छ । कम्पनीले १०० प्रतिशत हकप्रद सेयर बिक्री खुला गरेको हो ।
कम्पनीले १ सय अंकित मूल्यमा ४० करोड रुपैयाँ बराबरको हकप्रद सेयर निष्कासन गरेको छ । यस हकप्रद सेयरमा लगानीकर्ताले साउन ४ गतेसम्म आवेदन दिन सक्नेछन् । यो हकप्रदको बिक्री प्रबन्धकको काम नबिल इन्भेष्टमेन्ट बैंकिङले गरेको छ । तेह्रथुम पावरको हकप्रद सेयरका लागि जेठ ५ गते बुक क्लोज भएको थियो । यसकारण जेठ ४ गतेसम्म कायम लगानीकर्ताले हकप्रद सेयर दाबी गर्न पाउनेछन् ।
Advertisement:
यो हकप्रदमा नबिल इन्भेष्टमेन्ट बैंकिङ, नारायणचौर नक्साल काठमाडौं तथा नबिल बैंक र कुमारी बैंकको तोकिएको शाखा कार्यालयबाट आवेदन दिन सकिनेछ । यसका साथै धितोपत्र बोर्डबाट आस्वा अनुमति प्राप्त बैंक तथा वित्तीय संस्था र मेरो सेयरमार्फत आवेदन दिन सकिनेछ ।
हाल यस कम्पनीको चुक्ता पुँजी ४० करोड रुपैयाँ रहेको छ । १०० प्रतिशत हकप्रद सेयर जारी गरेपछि यसको पुँजी ८० करोड रुपैयाँ पुग्नेछ । कम्पनीले हकप्रद सेयरबाट प्राप्त रकम खोरुंगा तांगमाया खोला जलविद्युत आयोजना निर्माण गर्न प्रयोग गर्ने जनाएको छ ।
प्रतिक्रिया