.jpg)
.jpg)
२०८३ जेठ १७ गते
शेयर बजारमा हरीयाली, कारोबार रकम ५ अर्ब भन्दा माथि
२०८१ जेठ ०६ गते
काठमाडौँ । यस हप्ताको पहिलो कारोबार दिन शेयर बजारमा उछाल आएको छ । बैंक तथा वित्तीय संस्थाहरुलाई शेयर बजारमा लगानी गर्न सहज भएसँगै यस दिन शेयरबजार सूचक, नेप्से बढेको हो । यस दिन नेप्से परिसूचक ४५.६९ अंकले बढेर २०६४.४५ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः २.२६ प्रतिशतले बढ्न पुगेको हो ।
नेप्से बाढेसँगै आज कारोबार रकम पनि बढेको छ । अघिल्लो कारोबार दिन ४ अर्ब २३ करोड ३३ लाख रुपैयाँ बराबरको शेयर खरिदबिक्री भएकोमा यस दिन ३२३ स्टकको ७४ हजार ९ सय ९१ पटकको कारोबारमा ५ अर्ब २५ करोड १० लाख रुपैयाँ बराबरको १२ करोड २ लाख ४० हजार ८ सय २ कित्ता शेयर खरिदबिक्री भएको छ । जसमा १९१ वटा कम्पनी बढेका छन् भने ४९ वटा कम्पनी घटेका छन् । यसैगरी ६ वटा कम्पनीको शेयर भने स्थिर रहन पुगेका छन् ।
यस दिन सर्वाधिक बढ्नेमा आत्मनिर्भर लघुवित्त, सबैको लघुवित्त, नेरुडे मिर्मिरे लघुवित्त र सामुदायिक लघुवित्त रह्यो जसको शेयरमा सकारात्मक सर्किट लागेको छ । सर्वाधिक घट्नेमा भने माण्डु हाइड्रोपावर रह्यो जसको शेयरमा नकारात्मक सर्किट लागेको छ ।
आइतबार सर्वाधिक रकमको कारोबार गर्नेमा सीइडिबि हाइड्रोपावर विकास कम्पनी रह्यो जसको १४ करोड ८१ लाख रुपैयाँ बराबरको शेयर किनबेच भएको छ । संख्याको हिसाबले सर्वाधिक शेयर कारोबार हुनेमा हिमालयन लाईफ इन्स्योरेन्स रह्यो जसको २ लाख ७३ हजार ७०९ कित्ता शेयर किनबेच भएको छ ।
Advertisement:
प्रतिक्रिया