.jpg)
२०८३ जेठ २० गते
शेयर बजार दोहोरो अंकले बढ्यो, कारोबार रकममा पनि वृद्धि
२०८१ वैशाख १६ गते
काठमाडौँ । साताको पहिलो कारोबार दिन शेयर बजार दोहोरो अंकले बढेको छ । यस दिन नेप्से परिसूचक १४.३३ अंकले बढेर १९८०.२७ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.७२ प्रतिशतले बढ्न पुगेको हो ।
आज नेप्सेमा १३ उपसमूहमध्य १२ उपसमूहको परिसूचक बढेका छन् भने एक उपसमूहको परिसूचक घटेको छ । आईतबार सर्वाधिक बढ्ने उपसमूहमा फाइनान्स रह्यो जसको परिसूचक ३.९८ प्रतिशतले वृद्धि भएको छ । यसै गरी यस दिन एक मात्र घट्नेमा व्यापार उपसमूह रह्यो जसको परिसूचक ०.३४ प्रतिशतले घटेको छ ।
Advertisement:
नेप्से बढेसँगै आज कारोबार रकम पनि बढेको छ । अघिल्लो कारोबार दिन २ अर्ब ३६ करोड ६९ लाख ७५ हजार ५ सय ९४ रुपैयाँ बराबरको शेयर खरिदबिक्री भएकोमा यस दिन ३०८ स्टकको ४७ हजार ८ सय ८ पटकको कारोबारमा २ अर्ब ३६ करोड ५३ लाख रुपैयाँ बराबरको ६८ लाख १४ हजार ४ सय १३ कित्ता शेयर खरिदबिक्री भएको छ । जसमा १८० वटा कम्पनी बढेका छन् भने ५५ वटा कम्पनी घटेका छन् । यसैगरी ९ वटा कम्पनीको शेयर भने स्थिर रहन पुगेका छन् । यस दिन सर्वाधिक बढ्नेमा पोखरा फाइनान्स रह्यो जसको शेयर ९.८४ प्रतिशतले बढेको छ । सर्वाधिक घट्नेमा भने रिभर फल्स रह्यो जसको शेयर ४.६३ प्रतिशतले घटेको छ ।
आईतबार सर्वाधिक रकमको कारोबार गर्ने कम्पनीमा मल्टी पर्पोज फाइनान्स रह्यो जसको १० करोड ९८ लाख ९१ हजार रुपैयाँ बराबरको शेयर किनबेच भएको छ । त्यस्तै संख्याको हिसाबले सर्वाधिक शेयर कारोबार हुनेमा पनि मल्टीपर्पोज फाइनान्स नै रह्यो जसको २ लाख ४४ हजार ४ सय ३७ कित्ता शेयर किनबेच भएको छ ।
प्रतिक्रिया